اشهر الاكاذيب اللي تصير بين الولد والبنات
هاي اشهر 10 كذبة عند البنات
*************************
1-مادري حبيبي احس اني اعرفك من زمان تصدك(اي من جان الدينار حياكه)
2- حبيبي احس انك غير عن كل الشباب احس انك مختلف وغير عنهم
(عندي كرون يعني)
3-ياريتني ياكلبي عرفتك من زمان
(اي خيرانشالله..مقشمره 79 واحد كبلي وجاي تبيعها عليه )
4-انا ماطلع من البيت هوايه ولما اطلع انزل راسي بالكاع وماباوع احد
(انتي بس يم ابو الصمون تبقين 3ساعات اتريدين واحد ايباوع عليج )
5- تصدك حبيبي ماعرف ألبس الا من احدث الموديلات( هيه قطعه قماش وتفيك بيه )
6- انا بيتنا بشارع الحب على تقاطع ابو جعفرالمنصور ( شارع حب ماكو شون جذب مصفط)
7- حبيبي اروح اشتري حذاء من هذا ابو 50000( كولي ابو ال2000 ومن البالات ليش مستحيه
8- حبيبي خلي ابالك ترى انا اذا حبيت حبيت من كل كلبي( اي احجيلج ويا )
9- حبيبي عيد ميلادي الاسبوع الجاى ( يعني اريد هديه...اني عاد مااقصر بعييييييييني )
10- بعد كم يوم راح ادخل معهد واتعلم اسباني بعد ماخلصت الفرنسي والايطالي (عربي مثل الاوادم ماتعرفين...هالمره اسباني؟؟؟)
انهجم بيت البانيه على هاذا النفخ ؟ اكو هوايه فقيرات ماديا بس هنه تاج الراس والنعم من العراقيه
و هذه اشهر 14 جذبه عند الولد
**************************
1- اني عفت كل البنات علمودج (أي صح لان ماكو وحده قبلت اتباوع بخلقتك غيري)
2-البارحه الليل كله ما نايم ( على اساس يفكر بيه..... هو الظهر كله مقضيه نوم عطال بطال متكولي مين يجي النوم بعد)
3-اني رح اطلع بره اكمل دراستي (ها بره ....اي بره بغداد بالحلة )
4-اني رجال البيت و كلمتي ماشيه (أي بس على اخوك الصغير )
5-اني اعتمد على نفسي و ما احب اعتمد على اهلي (طبعا عيني ...بس تعتمد عليهم بشغلات الي بيها فلوس )
6-اني ما اخاف من احد (أي بس من ابوك و عمامك و خوالك و الارهاب و السلابه و و و و و ......)
7-اني بس ازوجك شتريدين اسوليج (أي صح.... بالاحلام لان مقضيها 24 ساعه نايم )
8-اني اشوفج مختلفه عن الكل (لان الوحيده الي ما ضربتك بوري بس انشاء الله قريب )
9-اني ما اعرف وحده ثانية غيرج (لعد البارحه الي شفتك وياها منو ...بس لا امي و ما ادري )
10-اني البارحه طلعت و عزمت اصدقائي كلهم (اصدقائك ؟؟؟؟ هو واحد لو اثنين و عزمتهم على كلاص ماي و بالدين هم )
12-لو تدرين اجكد احبج و حبج ما ينوصف (يبوووووو كام يدك اسطوانات معيودة )
13-اني جبت مجموع عالي بس ما اريد ادخل شئ يأخر زواجنا (ليش هي اكو كليه قبلتك ؟؟؟)
14-اني لو تدرين اجكد اصرررررف..... فلس واحد ما يبقى بيجيبي من ارجع (ليش هو جيبك كله اجكد بيه يمكن 500 دينار لو اقل)
لا يوجد حالياً أي تعليق